Buldan: Ger pirosyea aştiyê bidawî nehatiba wê PKKê çek danîba

Perwîn Buldan: Ocelan ji me re got, ewê banga çekdanînê li PKKê bike, piştî banga wî, PKK jî wê biryara çekdanînê daba.

Kurdistan24 Hewlêr 2018/02/24 07:30

kurdistan HDP PKK Ebdella Ocelan Piroseya Aştiyê Bakurê Kurdistanê Tirkiye Recep Tayip Erdogan

K24 - Navenda Nûçeyan

Hevseroka Partiya Demokratîk a Gelan HDPê Perwîn Buldan ragihand, heger Hikûmeta Tirkiyê dawî li pêvajoya aştiyê neanîba, wê PKKê biryara çekdanînê stendiba.

Perwîn Buldan ji ajanseke nêzkê PKKê re axifî û bal kişand ser hevdîtina xwe ya dawî li gel rêberê PKKê Ebdella Ocalan û got: "Di 5ê Nîsana sala 2015an de, wan cara dawî serdana Ocalan kir. Rêberê PKKê di wê serdanê de gotibû: "Ewê banga çekdanînê li PKKê bike". Piştî banga wî PKK jî wê biryara çekdanînê daba. Ji bo vê jî pêwîst e aliyekî sêyem beşdarî danûstandinên pêvajoya aştiyê bibe. Lê piştî hevdîtina wan a di 5ê Nîsanê de, pêwendiya wan li gel Ocalan hat birrîn û serokê Tirkiyê Recep Tayip Erdogan dawî li pêvajoya aştiyê anî".

Li gorî Hevseroka HDPê, sedema rewşa aloz a Tirkiyê ya niha, têkçûna pêvajoya aştiyê ye û tenê Ocalan kare Tirkiyê ji kirîza niha rizgar bike.

N.O