Mogherînî: Yekîtiya Ewropa bi rêkeftina atomî pabend e

K24 – Navenda Nûçeyan

Berpirsa Siyaseta Derve ya Yekîtiya Ewropa Federîka Mogherînî radigihîne, Yekîtiya Ewropa li ser rêkeftina atomî ya bi Îranê re dimîne û dê hewla parastina wê bide.

Piştî daxuyaniya Serokê Amerîka ya vejişîna ji rêkeftina atomî, Federîka Mogherînî li paytexta Îtalya Romayê got, Yekîtiya Ewropa ji daxuyaniya Serokê Amerîkayê nîgeran e û da zanîn, ku rêkeftina etomî ji bo ewlehiya navçê, Ewropa û tevahiya cîhanê pêwîst e.

Mogherînî got: “Rêkeftina atomî aramanca xwe ya gerentîkirina pêşnexistina programa atomî ya Îranê dike û Yekîtiya Ewropa li ser mana wê rêkeftinê rijd e.”

Mogherînî peyamek arasteyî berpirsên Îranê kir û got: “Rê nedin kesekî vê rêkeftinê hilweşîne. Ev rêkeftin ji encama serkeftineke dîplomasî hatiye encamdan. Emê bi hev re û bi civaka navdewletî re parastina vê rêkeftinê bikin.”

Serokê Amerîkayê Donald Trump şeva bûrî biryara vekişandina welatê xwe ji rêkeftina atomî li gel Îranê da û ragehand ku, ewê cezayên tund li ser wî welatî bisepînin.

S. B