Demîrtaş di zindanê de deng da

K24 - Navenda Nûçeyan

Berbijarê HDPê ji bo Serokatiya Tirkiyê Selahedîn Demîrtaş, ku bêtirî sal û nîvekê di zindanê de ye, îro beşdarî hilbijartinan bû û di zindanê de dengê xwe da.

Demîrtaş li ser Twitterê, wêneyekî xwe li gel perlemanterê zindankirî yê HDP Ebdella Zeydan belav kir û nivîdand: Me jî deng da û em bihêvî ne hilbijartin biaramî biqedin û di berjewendiya demokratiyê de bin û em di wê baweriyê de ne, ku encam wê gellekî baş bin.

Îro jî Başak Demîrtaş hevjîna Selahedîn Demîrtaş, li bajarê Diyarbekirê dengê xwe da û ji welatiyan xwest ku herin ser sindoqan û beşdariyê di hilbijartinan de bikin.

Başak Demîrtaş piştî dengdanê, di daxuyaniyeke rojnamevanî de got: "Bi lez herin navendên dengdanê û deng bidin Demîrtaş û azadiyê".

Piroseya hilbijartinên Serokatî û Perlemana Tirkiyê îro demjimêr 8ê sibehê bi dema Hewlêr û Enqerê destpê kir û heya demjimêr 5ê êvarî wê berdewam be.

Li seranserî Tirkiyê, nêzîkî 60 milyon kes mafê wan yê dengdanê heye û ji bo wergirtina postê serokkomar 6 berbijar hevrikiyê dikin û li ser 600 kursiyên perlemanê jî, du hevpeymanî û sê partiyên siyasî di nava hevrikiyê de ne.

Selahedîn Demîrtaş yek ji berbijarên Serokatiya Tirkiyê ye û ev bû bêtirî sal û nîvekê di zindanê de ye.

Demîrtaş di dawîn peyama xwe de got: "Heger HDP derbasî perleman nebe, wê ziyan li tevahiya Tirkiyê bê, lewra piştevanî ji HDPê re, bi wateya piştevanî ji demokirtiyê re ye".

N.O

Biz de oyumuzu, cezaevinde kullandık. Herkesin sandığa giderek ülkenin geleceği için, tercihini demokrasiden yana kullanmasını diliyorum. Oy verme işleminin sakin ve huzurlu bir ortamda tamamlanmasını umuyorum. Sonuçların çok güzel olacağına inanıyorum. Hepimize hayırlı olsun. pic.twitter.com/ceinNMfLN8

— Selahattin Demirtaş (@hdpdemirtas) June 24, 2018