Dadgeha Mafê Mirovan a Ewropa daxwaza azadkirina Demîrtaş kir

K24 – Navenda Nûçeyan

Dadgeha Mafê Mirovan a Ewropayê biryara xwe da û daxwaza azadiya hevserokê berê yê HDPê Selahatîn Demîrtaş kir.

Dadgeha Mafê Mirovan a Ewropayê îro rewşa girtîbûna Hevserokê berê yê Partiya Demokratîk a  Gelan (HDP) Selahatîn Demîrtaşî gengeşe kir û biryar da, pêvajoya dadgehkirina Demîrtaşî ji dema xwe ya asayî dirêjtir ketiye û divê were azadkirin.

Di derbarê mijarê de Partiya Demokratîk a Gelan (HDP) jî daxuyaniyek belav kir û got: “Dadgeha Mafê Mirovan daxwaza azadiya Demîrtaşî kiriye û divê Demîrtaş di zûtirîn dem de were azadkirin.”

Hevserokê berê yê HSDê Selahatîn Demîrtaş ji 4ê Mijdara 2016an ve di zîndanê de girtî ye.

S.B