Serok Barzanî û Şahê Urdinê tekeziyê li hevahengiya dualî dikin
K24 – Navenda Nûçeyan
Şahê Urdinê Şah Abdullah bin Al-Husên îro li Koşka Al-Husêniye ligel Serok Mesûd Barzanî û şanda pê re civiya.
Di hevdîtinê de, Şah Abdulah xweşhaliya xwe bi pêşveçûn û baştirbûna pêwendiyên Hewlêr û Bexdayê derbirî û ragihand, başbûna pêwendiyên Hewlêr û Bexdayê di berjewendiya hemû aliyan de ye.
Her di wê civînê de, tekezî li pêwendiyên dîrokî yên her du aliyan û berdewamiya wan pêwendiyên vekirî kirin û ronî xistin ser pêwendiyên aborî û bazirganiyê yên Herêma Kurdistanê û Şahnişîna Urdinê. Derbarê şerê teror û tundrewî de jî tekezî li ser hevahengî û hevkariya berdewam hate kirin.
Serok Barzanî bi serokariya şandeke bilind li ser vexwandina fermî ya Şahê Urdinê bo beşdariya di Korbanda Aborî serdana wî welatî dike.
Korbanda Aboriya Rojhilata Navîn û Efrîqya heyama du rojan berdewam bû û îro bidawî dibe. Herêma Kurdistanê bi şandeke bilind ku ji Wezîrê Darayî, Avedankirin û Plandanên pêk hatibû beşdarî di wê korbandê de kir.
S. B