Civîna Mesûr Barzanî bi 9 partiyên Turkmenî re dest pê kir

Raspêrdeyê bi pêkanîna kabîneya nehem a Hikûmeta Herêma Kurdistanê Mesrûr Barzanî îro li Hewlêrê serdana tevahiya pêkhateyên Herêma Kurdistanê dike.

K24 – Navenda Nûçeyan

Raspêrdeyê bi pêkanîna kabîneya nehem a Hikûmeta Herêma Kurdistanê Mesrûr Barzanî îro li Hewlêrê serdana tevahiya pêkhateyên Herêma Kurdistanê dike.

Peyamnêrê K24ê li Hewlêrê da zanîn, civîna Mesrûr Barzanî bi 9 aliyên Turkmen li Hewlêrê destpê kir, ku ew xwedî 4 kursiyên Parlemana Kurdistanê ne.

Li gor zanyariyên peyamnêrê me, tevî ku ew aliyên Turkmenî posta Cîgirê Serokê Parlemanê wergirtine, lê di civîna îro de daxwaza postên nû di kabîneya nû de dikin.

Piştre Mesrûr Barzanî bi Bereya Turkmenî ku xwediyê kursiyeke Parlemanê ye dicive.

Di dirêjahiya civînan de, Raspêrdeyê bi pêkanîna kabîneya nehem a Hikûmeta Herêma Kurdistanê Mesrûr Barzanî îro bi Hevpeymaniya Netewî ya Kiristiyanî ku xwediyê 3 kursiyên Parlemanê ye re dicive.

Di dawiyê de jî Mesrûr Barzanî bi her yek ji Tevgera Aşûrî û Encûmena Gelê Kildan re dicive.

Mesrûr Barzanî roja 12ê Hezîranê ji aliyê Serokê Herêma Kurdistanê ve bi pêkanîna kabîneya nehem hat raspardin. Bo wê mebestê jî roja 17ê Hezîranê Mesrûr Barzanî li bajarê Silêmaniya bi awayekî cuda bi her yek ji Yekîtiya Niştimanî ya Kurdistanê (YNK) Partiya Sosyalist a Kurdistanê û Tevgera Goranê civiyabû.

 

S. B