Li Sêmêlê xortek hat kuştin
24 – Duhok
Şeva din xortek li navenda navçeya Sêmêl a ser bi parêzgeha Duhokê hat kuştin.
Muqedem Hêmin Silêmanî, Berpirsê Ragihandina Polîsê Duhokê ji K24ê re ragihand: “Şer û pevçûn di navbera çend xortan de derketiye û di encama pevçûnê de xortekî 20 salî yê bi navê E.E.B canê xwe ji dest daye, herwiha çar kesên din jî birîndar bûn.”
Hêmin Silêmanî eşkere kir: “Her du alî mirovên hev in û ji heman eşîrê ne.”
Berpirsê Ragihandina Polîsê Duhokê herwiha diyar kir: “Polîs dest bi lêkolînê kiriye û çend mifreze hatine pêkanîn ji bo desteserkirina kujerên wî xortî.”
Î.A