Serokatiya Herêma Kurdistanê kuştina zanayê Îranî şermezar dike
Hewlêr (K24) – Serokatiya Herêma Kurdistanê ji ber kuştina zanayê atomî Muhsîn Fexrîzade, sersaxî li serkirdetî û gelê Komara Îslamî ya Îranê dike.
Serokatiya Herêma Kurdistanê îro duşemê bi rêya Twitterê ragihand: “Em kuştina zanayê Îranî Muhsîn Fexrîzade ku di êrîşeke çekdarî de hat terorkirin, şermezar dikin. Em sersaxî arasteyî serkirdetî û gelê Komara Îslamî ya Îranç û malbata wî dikin.”
Muhsîn Fexrîzade ku weke bavê atomî yê Îranê tê nasîn, roja înê li nêzîkî Tehranê hat kuştin.
Îran, Îsraîlê bi kuştina Muhsîn Fexrîzade tohmetbar dike û gefa tolhildanê dixwe.
تيرۆركردنى زاناى ئێرانى موحسين فهخريزاده كه له هێرشێكى چهكداریدا تیرۆر کرا، ئیدانە دەکەین. پرسه و سهرهخۆشيمان ئاراستهى سهركردايهتى و گهلى كۆمارى ئيسلاميى ئێران و خانهوادهى خوالێخۆشبوو دهكهين.
— Kurdistan Region Presidency (@KurdistanRegion) November 30, 2020