Krîstiyanên li başûrê Kurdistanê cejna jidayîkbûna Hezretî Mesîh pîroz dikin
Duhok (K24) – Krîstiyanên deşta Neynewa li jêr desthilata hêzên Pêşmerge cejna jidayîkbûna Hezretî Mesîh pîroz dikin û pêşwaziya sersala nû dikin. Krîstiyan dibêjin; Pêşmerge aramî û seqamgîrî ji bo wan dabîn kiriye û ew vedigerin deverên xwe.
Krîstiyanên li Herêma Kurdistanê amadekariya cejna jidayîkbûna Hezretî Mesîh dikin û mala xwe bi dara krîsmasê dixemilînin.
Jineke 75 salî û mesîhî Zerfa Toma, ji ber DAIŞê û rewşa xirab, endamên malbata wê hemû çû derveyî welat û ew bi tenê maye.
Zerfa Toma diyar dike ku bi saya hêzên Pêşmerge, jiyaneke xweş û aram li ber mesîhiyên vê deverê heye.
Ji ber şerê DAIŞê, çend sal bû mesîhiyên deşta Neynewa ji sersal û pîrozkirina cejnên xwe dûr ketibûn, lê niha ku Pêşmerge devera wan diparêze, hest bi aramiyê dikin û bi kêfxweşî li benda hatina cejnê ne.
Her çiqas ji ber belavbûna vîrusa Koronayê û rewşa niha ya Iraqê, welatiyên mesîhî biryar dane ku merasîma cejna krîsmasê û sersalê nekin, lê li deverên li jêr desthilata Pêşmerge mala xwe bi xemilandine û amadekarî kirine û di rewşeke aram û ji berê û ji deverên din ên Iraqê cuda, pêşwazî li cejn û sersalê dikin.