WÊNE: Berfa Çiyayên Kurdistanê bi hezaran geştiyaran mest dike

WÊNE: Geştiyar bi berfa çiyayên Herêma Kurdistanê dilxweş in

Kurdistan24 Hewlêr 2021/01/09 15:44

Hassan-Beg Mountain, located in the Kurdistan Region’s Erbil province. (Photo: Kurdistan 24)

Kurdistan Herêma Kurdistanê Hesen Beg Hewlêr Soran

Hewlêr (K24) - Geştiyarên (tûrîstên) zivistanê ji her çar aliyên Iraqê tên çiyayên Herêma Kurdistanê yên bi berf. Çiyayê Hesen Beg jî her sal hez û bala gelek geştiyaran dikêşe. Ev çiya li Devera Soran e û ser bi Hewlêrê ve ye.

Wêne: Çiyayê Hesen-Beg, Devera Soran, Parêzgeha Hewlêr, Herêma Kurdistanê @Kurdistan24

Geştiyarek ji Kurdistan24 re dibêje, "Yek ji wan dîmenên herî balkêş ê berfê ye ku me dîtiye. Ji ber ku yekem car e em tên çiyayê Hesen Beg."

Herwiha dibêje destnîşan dike asayişa Herêma Kurdistanê hem karê serkeftî pêk tîne hem jî bi rêz û hûrmet nêzîkî wan dibe.

Piraniya geştiyarên ku serdana Herêma Kurdistanê dikin ji parêzgehên navîn û başûr ên Iraqê ne. Yên din jî ji Iran û welatên din tên.

Li gorî karbidestên geştûguzariya Soran, Herêma Kurdistanê ji devetên din ên Iraqê xweştir û ewletir in. Lewma rojane zêdetirî 5 hezar geştiyaran serdana navçeya Soranê dikin.

Li Herêma Kurdistanê gelek deverên dîrokî yên zengîn û gelek deverên geştyarî hene. Wekî din, erdnîgariya berfireh e û kêm mirov li van deveran dijîn. Ev ji deverên Rojhilata Navîn derfetên baştir dide ji bo ger û aramiyê.

Van salên dawîn, Hikûmeta Herêma Kurdistanê ji bo zêdekirina pêşxistina herdu sektorên geştiyariyê û çandiniyê, di nav xebat û bizavan de ye. Hikûmet hewl dide dahata Herêma Kurdistanê pircûrî bike.