Li Kerkûkê 3 çekdarên DAIŞê hetin kuştin

Li parêzgeha Diyala jî, 2 leşkerên Iraqî hatin kuştin.

Navenda Nûçeyan (K24) – Li Kerkûkê di êrîşeke asmanî de 3 çekdarên DAIŞê hatin kuştin û serkirdeyekî wê rêxistinê hate desteserkirin. Li Diyala jî, 2 leşkerên Iraqî hatin kuştin.

Fermandarê Operasyonên Kerkûkê Seid Herbiye ragihand, di êrîşeke asmanî li ser baregehên çekdarên DAIŞê li qezaya Daqoqê ya li Kerkûkê de, 3 çekdarên DAIŞê hatin kuştin.

Da zanîn jî, hêzên Dijeterorê yên Iraqê serkirdeyekî DAIŞê li taxeke rojhilatê Kerkûkê desteser kir.

Ji aliyekî din ve, li navçeyeke başûrê bajarokê Boherz li parêzgeha Diyala, 2 leşkerên artêşa Iraqê ji aliyê nîşanvanekî DAIŞê ve hatin kuştin.