Li Kerkûkê derbarê qedexeya hatûçûnê de biryarên nû hatin dayîn

Şaneya Qeyranê ya Tendirustiyê ji bo Rûbirûbûna Koronayê ya li parêzgeha Kerkûkê hejmarek biryar derbarê qedexeya hatûçûnê de derxistin.
Kerkûk
Kerkûk

Hewlêr (K24) – Şaneya Qeyranê ya Tendirustiyê ji bo Rûbirûbûna Koronayê ya li parêzgeha Kerkûkê ragihand; di civîna îro çarşemê 17ê Sibata 2021ê de hejmarek biryar derbarê qedexeya hatûçûnê de hatin derxistin.

Li gor biryara nû; divê hemû fermangehên parêzgeha Kerkûkê dema dewamkirina karmendan kêm bikin û desthilat dide rêveberiyên "şaredarî, av, elektrîk û kompaniya gazê", ji bo hatûçûna karmendan, hêsankarî bikin.

Derbarê dewamkirina karmendan de, biryar hat dayîn ku jinên ducanî an zarokên wan ên ji temenê 6 salî biçûktir hene, dikarin neyên ser kar.

Di biryarê de hatiye destnîşankirin; rê tê dayîn ku 4 wêstgehên dabeşkirina berhema petrolê ya hikûmî û tenê wêstegehek taybet werin vekirin.