Konsulxaneya Amerîkayê: Heta niha jî em Mela Mistefa Barzanî bi bîr tînin
Hewlêr (K24) – Konsulxaneya Amerîkayê di salvegera koça dawî ya Mela Mistefa Barzanî de peyamek belav kir.
Konsulxaneya Ameîrkayê li ser rûpela xwe ya Facebookê nivîsandiye; em îro jiyan û mîrata Mela Mistefa Barzanî (1903-1979) bi bîr tînin.
Konsulxaneyê destnîşan kiriye ku ji ber cihê dest û xizmeta ku pêşkêşî Herêma Kurdistana Iraqê û Kurdan kiriye, heta îro jî wî bi bîr tînin.
Jiyan û xebat û têkoşîna Mela Mistefa Barzanî:
Mela Mistefa Barzanî kurê pêncemîn û dawî yê Şêx Mihemedê Barzan di 14ê Adara 1903an de li gundê Barzan ji dayik bû.
Di sala 1904an de bavê wî Şêx Mihemedê koça dawî dike û birayê wî Şêx Ebdulselam bi erkê rêbertiya Barzaniyan werdigire.
Dema temenê Mela Mistefa Barzanî 3 salî dibe, hêzên Osmaniyan êrîşî navçeya wan dikin û birayê wî Şêx Ebdulselan dîl digirin û Mela Mistefa û diya wî 9 mehan tên zîndanîkirin.
Mela Mistefa Barzanî sala 1919an beşdariyê di şoreşa Şêx Mehmûdê Hefîd de dike û dibe berpirsê hêzeke 300 kesî.
Sala 1920ê Şêx Ehmed Barzanî Mela Mistefa dişîne ba Şêx Seîdê Pîran li Bakurê Kurdistanê ji bona ku hemahengiyekê di navbera şoreşa Şêx Seîd û şoreşa Şêx Mehmûdê Hefîd de bê kirin.
Mela Mistefa di salên 1931-32 de, li devera Barzan û li gundên Mêrgesor û Şêrwan fermandehiya pêşmergeyên ku şerê Înglîzan dikirin, dike. Jîrbûna Mela Mistefa di warê serbazî û şerkeriyê de li wir eşkere bû.