“Piraniya Kirîstiyanên Iraqê li Herêma Kurdistanê dijîn”

Navenda Nûçeyan (K24) – Endamê Komisyona Mafên Mirovan li Iraqê Elî Beyatî aşkere kir, ji koma zêdetir ji milyonek û 500 hezar Kirîstiyanên Iraqê, niha tenê 250 hezar Kirîstiyanî mane û piraniya wan li Herêma Kurdistanê dijîn.

Elî Beyatî diyar kir, berî rûxandina rêjîma Beis di sala 2003an de, zêdetir ji milyonek û 500 hezar Kirîstiyanan Iraqê dijiyan, lê niha tenê 250 hezar Kirîstiyanî mane û piraniya wan li Herêma Kurdistanê dijîn.

Herwiha destnîşan kir, ji ber êrîşa DAIŞê, 130 hezar Kirîstiyanî ji cih û warê xwe koçber û derbider bûn.

Da zanîn jî, ji piştî rûxandina rêjîma Beis û heta niha hezar û 315 welatiyên Kirîstiyanî hatine kuştin ku 115 kes ji wan bi destê DAIŞê bûn.