Nêçîrvan Barzanî bi aliyên siyasî re dicive
Hewlêr (K24) – Şêwirmendê Serokê Herêma Kurdistanê Dilşad Şehab ragihand; Serokê Herêma Kurdistanê Nêçîrvan Barzanî dê sibe bi aliyên siyasî re civînekê pêk bîne.
Dilşad Şehab ji K24ê re eşkere kir ku sibe pêncşemê, Nêçîrvan Barzanî li ser yekrêziya nav mala Kurdî û pêkve xebatkirina aliyên siyasî bo bidestxistina mafên destûrî yên Herêma Kurdistanê, li Dîwana Serokatiyê bi aliyên siyasî re bicive.
Şehab destnîşan kir ku hemû aliyên Kurdistanî dê di civîna sibe de beşdar bibin.
Berî niha bi boneya hatina cejna Newrozê, Serokê Herêma Kurdistanê Nêçîrvan Barzanî bi peyameke vîdyoyî bang li aliyên siyasî kiribû ji bo encamdana civînekê, ku tê de yekrêziya aliyan were gotûbêjkirin.
