Li Herêma Kurdistanê 17 kesan bi Koronayê canê xwe ji dest dan

Li gor amarên rojên borî, hejmareke kesên îro bi Koronayê canê xwe ji dest dane zêde bûne.

Kurdistan24 Hewlêr 2021/04/14 15:11

Navenda Nûçeyan (K24) – Wezareta Tendirustiyê ya Herêma Kurdistanê ragihand; di 24 demjimêrên borî de 1159 kes bi vîrûsa Koronayê (Covid-19) ketine û 17 kesan canê xwe ji dest dane.

Wezareta Tendirustiyê di daxuyaniya xwe de eşkere kir; di 24 demjimêrên borî de 1159 kes bi vîrûsa Koronayê ketine, ji wan 197 kes li Hewlêrê, 353 kes li Silêmaniyê, 541 kes li Duhokê, 9 kes li Helebceyê û 59 kes li Germiyanê ne.

Herwiha ragihand ku di nav 24 demjimêran de 17 kesan canê xwe ji dest dane, ku ji wan 4 kes li Hewlêrê, 4 kes li Silêmaniyê û 9 kes li Duhokê ne.

Li ser hejmara nexweşên baş bûne, hat eşkerekirin ku di 24 demjimêran de 485 kes ji vê nexweşiyê rizgar bûne.

Amarên giştî:

Pêketin: 135815

Mirin: 3831

Başbûn: 115330

Wezareta Tendirustiyê, ji bilî ku destxweşiyê li karmendên tendirustiyê û hemû tîmên bijîşkî yên li ser kar in dike, careke din ji welatiyan daxwaz dike, pabendî rênimayên tendirustiyê bibin û ji cihê qerebalix dûr bikevin û mask û lepikan bikar bînin. Herwiha gava hewce bû telefonî hejmara 122ê bikin ku xeta yekser a ji bo Covid-19ê ye.