Pênc çekdarên DAIŞê hatin desteserkirin

Berdevkê Fermandariya Giştî ya Hêzên Çekdar ên Iraqê Yehya Resûl ragihand; Dezgeha Dije-Terorê ya Iraqê pênc çekdarên DAIŞê desteser kirin.

Navenda Nûçeyan (K24) – Berdevkê Fermandariya Giştî ya Hêzên Çekdar ên Iraqê Yehya Resûl ragihand; Dezgeha Dije-Terorê ya Iraqê pênc çekdarên DAIŞê desteser kirin.

Yehya Resûl eşkere kir ku ji wan çekdarên DAIŞê, yek li Bexdayê, 2 li Felluceyê û yekê din jî li Kerkûkê hatine desteserkirin.

Şaneya Ragihandinê ya Ewlehiya Iraqê jî di daxuyaniyekê de diyar kir ku du çekdarên din li navçeya Sersar a ser bi parêzgeha Enbarê hatine desteserkirin.

Herwiha Rêveberiya Îstixbarata Iraqê jî desteserkirina çar çekdarên din li rojavayê Neynewayê ragihand, ku ji Sûriyê derbasî nav axa Iraqê dibûn.