Yekîtiya Ewropa: Me Talîban nas nekiriye

Navenda Nûçeyan (K24) – Seroka Komîsyona Ewropî Ursula von der Leyen îro ragihand, Yekîtiya Ewropa Talîban nas nekiriye û bi wan re danûstandinên siyasî jî nake.

Seroka Komîsyona Ewropa Ursula von der Leyen di konferanseke rojnamavanî de ragihand, tiştê li Efxanistanê rû dide karesat e.

Herwiha got, ew pêşniyaz dike ku hevkariyên mirovî yên Komîsyona Ewropa ji Efxanistanê re îsal werin zêdekirin ku 57 milyon euro ye, lê tekez kir ku ev hevkarî girêdayî rêzgirtina li mafên mirovan, mafên jinan û seredariya baş a bi kêmeniyan re ye.

Ragihand jî, “Dibe ku em guhdariya gotinên Talîbanê bikin, lê berî her tiştî divê em kiryar û riftarên wan binirxînin.”

Destnîşan kir jî, Wê got Komisyona Ewropayê amade ye ku fînanse ji welatên Yekîtiya Ewropî yên ku alîkariya bicîhkirina penaberan dikin re dabîn bike û ew plan dike jî pirsa bicihkirina penaberan di civîna G7 ya hefteya pêş de behs bike.