Peyamek ji Serokê Herêma Kurdistanê

"Piştî hilbijartinê, me hemûyan armanca me ewe li Bexda pêkve kar bikin ji bo bihêzkirina demokrasiyê."

Hewlêr (K24) – Serokê Herêma Kurdistanê Nêçîrvan Barzanî îro înê 10ê Îlona 2021ê di peyamekê de ragihand; di demek de propaganda û bangeşeya hilbijartinên 10ê Cotmeha bê li Iraq û Herêma Kurdistanê birêve diçe, daxwazê ji hemû aliyek dikim bangeşeyeke medeniyaneya aram, li asteke bilind da encam bidin.

Di peyama Nêçîrvan Barzanî de hatiye diyarkirin; Hemû hizb û aliyên siyasî divê ewe li bîra wan bê ku piştî hilbijartinê me hemûyan armanca me ewe li Bexda pêkve kar bikin ji bo bihêzkirina demokrasiyê, berjewendiyên Iraqê bi giştî û bi dest ve anîn û parastina mafên destûriyên Herêma Kurdistanê bi taybetî.

Peyama Serokê Herêma Kurdistanê wiha ye:

Kurdistaniyên xoşewîst

Welatiyên ezîz ên li Herêma Kurdistanê û Iraqê

Di demek de propaganda û bangeşeya hilbijartinên 10ê Cotmeha bê li Iraq û Herêma Kurdistanê birêve diçe, daxwazê ji hemû aliyek dikim bangeşeyeke medeniyaneya aram, li asteke bilind da encam bidin. Nebe sedema bêzarkirina welatiyan û ji hemû têkdan û hevdû şikandin û nav biçûkkirinê dûr bê. Bi tu awayek li ser hesab û lekedarkirina kesayetiya berbijêr, bi taybetî berbijêrên jinan nebe.

Hemû alî û dam û dezgehên îdarî û emnî û medya û civaka medenî, hevkar bin ji bo serkeftina proseya birêvebirina bangeşeya hilbijartinê di çarçoveya yasayê de. Bi tevahî azad bê û derfeta wekhevî û wekî yek ji bo hemû aliyan û berbijêrek bê rexsandin.

Hemû hizb û aliyên siyasî divê ewe li bîra wan bê ku piştî hilbijartinê me hemûyan armanca me ewe li Bexda pêkve kar bikîn ji bo bihêzkirina demokrasiyê, berjewendiyên Iraqê bi giştî û bi dest ve anîn û parastina mafên destûriyên Herêma Kurdistanê bi taybetî. Li bangeşeya hilbijartinê da divê kareke wiha neyê kirin hemahengî û alîkarî û pêkveyî û karê hevbeşî ya paşerojê li Bexda dijwartir bike.

Dengdan maf û erk û berpirsiyariye, divê peyama me hemûyan ewe bê ku welatî wê mafê xwe bikarbînin, erk û berpirsiyariyê hilbigrin û bi beşdariyeke çalak li dengdanê da bikin, hemû pêkve li guhertin û hewlên avakirina paşerojeke baştir da beşdar bibin. Ev hilbijartin ji bo Iraqiyan girînge, civaka navdewletî jî bi girîngiyê ve lê temaşe dike. Ji bo wê yekê Neteweyên Yekgirtî û Yekîtiya Ewrûpa tîmên xwe dişînin û li nêzîk ve çavdêriyê dikin.

Hêviya bangeşeyeke serkeftî ji bo hemû aliyek û hilbijartineke pak û bêkêmasî dixwazim ku cihê baweriya me hemûyan be.

Nêçîrvan Barzanî

Serokê Herêma Kurdistanê

10.09.2021