Konferansa Perwerdeyê ya Zankoya Amerîkî – Kurdistan li Duhokê li dar dikeve
Navenda Nûçeyan (K24) – Bi amadebûna Serokê Herêma Kurdistanê û Serokwezîrê Herêma Kurdistanê, îro Konferansa Perwerdeyê ya Zankoya Amerîkî – Kurdistan li Duhokê li dar dikeve.
Li gor bernameya konferansê, îro demjimêr 9:30 Konferansa Perwerdeyê ya Zankoya Amerîkî – Kurdistan li Duhokê li dar dikeve û heta 15:45 berdewam dibe.
Konferans bi gotara bixêrhatinê ya Serokê Zankoya Amerîkî – Kurdistan li Duhokê dest pê dibe. Piştre Serokwezîrê Herêma Kurdistanê Mesrûr Barzanî û Serokê Herêma Kurdistanê Nêçîrvan Barzanî gotarên xwe pêşkêş dikin.
Herwiha di konferansê de her yek ji Wezîrê Perwerdeyê û Wezîrê Xwendina Bilind ê Lêkolînên Zanistî jî gotarên xwe pêşkêş dikin.
Di beşeke din a konferansê de, panelên taybet bi sektora perwerdehiyê li Herêma Kurdistanê tên lidarxistin.