Mesrûr Barzanî di peyamekê de daxwazekê ji zanayên olî dike
Hewlêr (K24) – Serokwezîrê Herêma Kurdistanê Mesrûr Barzanî bi boneya 51emîn salvegera damezrandina Yekîtiya Zanayên Ola Îslamê ya Kurdistanê peyamek belav kir û ragihand; zanayên îslamî yên Kurdistanê di tevgera rizgarîxwaz a Kurdistanê de rola wan a girîng û berçav heye.
Serokwezîr Mesrûr Barzanî di peyama xwe de diyar dike: “Ez hêvîdar im zanayên olî berdewam bibin di rûbirûbûna tundrewî û pêşvebirina lêborînê û rijdbûna li ser maf û destkeftên gelê Kurdistanê.”
Peyama Serokwezîrê Herêma Kurdistanê wiha ye:
Di 51emîn salvegera damezrandina Yekîtiya Zanayên Ola Îslamê ya Kurdistanê de, ez pîrozbahî li serok û mekteba cîbicîkar û encûmena navendî û hemû melayên Kurdistanê dikim û ji bo wan hêviya serkeftinê dixwazim.
Zanayên Ola Îslamê yên Kurdistanê rola wan a girîng û berçav hebû di tevgera rizgarîxwaz a Kurdistanê û berevanîkirina mijarên niştimanî û geşepêdana hizra miyanrewî û pêkvejiyana aştiyane ya olî de li Kurdistanê. Ez hêvîdar im zanayên olî berdewam bibin di rûbirûbûna tundrewî û pêşvebirina lêborînê û rijdbûna li ser maf û destkeftên gelê Kurdistanê.”
Mesrûr Barzanî
Serokwezîrê Herêma Kurdistanê
21ê Îlona 2021ê