Hilbijartinên Iraqê: Rêjeya beşdariyê ji sedî 41

Komîsyona Bilind a Serbixwe ya Iraqê encamên destpêkê yên hilbijartinên parlamentoyê yên Herêma Kurdistanê û Iraqê ragihand.

Hewlêr (K24) – Komîsyona Bilind a Serbixwe ya Iraqê encamên destpêkê yên hilbijartinên parlamentoyê yên Herêma Kurdistanê û Iraqê ragihand.

Li gor zanyariyên ku hatine belavkirin, li Herêma Kurdistanê û deverên Kurdistanî yên derveyî îdareya Herêmê, Partiya Demokrat a Kurdistanê (PDK) yekem e.

Komîsyona Bilind a Serbixwe ya Iraqê ragihand ku rêjeya beşdariya hilbijartinan %41 ye û ji zêdetirî 24 milyon dengderên Iraq û Herêma Kurdistanê, zêdetirî 9 milyon kes çûn ser sindoqan.

Li gor encamên destpêkê, PDK 32, Hevpeymanî (YNK û Goran) 15, Nifşê Nû 9, Yekgirtû 4, Komel 1 kursî bi dest xistin.

Li parêzgeha Hewlêrê, Partiya Demokrat a Kurdistanê (PDK) 11, Nifşê Nû 3, Hevpeymaniya Kurdistanî (YNK û Goran) 1 kursî bi dest xistin.

Li parêzgeha Duhokê, Partiya Demokrat a Kurdistanê (PDK) 8, Yekgirtûya Îslamî ya Kurdistanê 2 û Hevpeymaniya Kurdistanî 1 kursî bi dest xistin.

Li parêzgeha Silêmaniyê, Hevpeymaniya Kurdistanî 8, Nifşê Nû 5, Partiya Demokrat a Kurdistanê (PDK) 2, Yekgirtûya Îslamî ya Kurdistanê 2 û Komel 1 kursî bi dest xistin.

Li parêzgeha Kerkûkê, Hevpeymaniya Kurdistanî 3, Partiya Demokrat a Kurdistanê (PDK) 2, Nifşê Nû 1 kursî bi dest xistin.