Hinarên Helebceyê di festîvalekê de tên pêşandan
Helebce (K24) – Heftemîn Festîvala Hinar û Payîzê li Helebce dest pê kir û tê de çendîn cureyên hinaran û berhemên din ên xwemalî tên pêşandan.
Hinarên Helebceyê ku li bazaran daxwaza zêdetir li ser heye, di çend salên dawiyê de, hinarên Amerîkî jî li Helebce tên çandin û berhemanîn.
Rêveberê Festîvalê Necmedîn Omer ji K24ê re got: Çendîn cureyên hinaran li Helebceyê hene, lê yê herî navdar hinarên Salih Xanî ne ku li bazaran daxwaz li serê wan gelek e, ji ber mezintir û xweştir e.”
Destnîşan kir jî: “Îsal hişkesaliyê bandoreke mezin li ser berhemanîna hinaran kir. Di salên pêştir de, 27 – 30 hezar ton hinar li vê deverê dihat berhemanîn, lê îsal kêmtirî 15 hezar ton e.”