Roja Pêncşemê karwana yekem a koçberan vedigere Iraq û Kurdistanê

Navenda Nûçeyan (K24) – Biryar e roja Pêncşema bê 18ê Mijdarê, karwana yekem a koçberan vegere Iraq û Herêma Kurdistanê û proseya vegera koçberan jî dê berdewam be.

Serokê Komîta Pêwendiyên Derve yên Parlamentoya Kurdistanê Rêbiwar Babkeyî ji K24ê re ragihand, roja Pêncşema bê, karwana yekem a koçberan ji Belarusê vegere Iraq û Herêma Kurdistanê.

Got jî: Di vê karwanê de, hejmarek ji koçberên Herêma Kurdistanê û Iraqê hene, koçberên Herêmê dê vegerin Bexdayê û piştre jî dê bêne Herêma Kurdistanê.

Serokê Komîta Pêwendiyên Derve yên Parlamentoya Kurdistanê diyar kir, pirsgirêka paseportên koçberan hatine çareserkirin û dê proseya vegera koçberan berdewam be.