Serokwezîrê Herêma Kurdistanê pêşwazî li Lehengê Asya yê Laşciwaniyê kir

Serokwezîrê Herêma Kurdistanê piştevaniya Hikûmeta Herêma Kurdistanê ji lîstikvanên Kurdistanê û warê werzişê bi giştî re dubare kir.

Navenda Nûçeyan (K24) – Serokwezîrê Herêma Kurdistanê Mesrûr Barzanî îro 25ê Mijdara 2021ê, pêşwazî li Lehengê Asya yê Laşciwaniyê Hecî Ebdulselam Rêkanî kir.

Serokwezîrê Herêma Kurdistanê Mesrûr Barzanî pîrozbahî û destxweşî li leheng Hecî Rêkanî kir û hêviya serkeftinê jê re xwast û piştevaniya Hikûmeta Herêma Kurdistanê ji lîstikvanên Kurdistanê û warê werzişê bi giştî re dubare kir.

Lehengê di werzişa Laşciwaniyê de Hecî Rêkanî, berî çend rojan medelyaya zêrîn di Qehremaniya Laşciwaniyê ya Asyayê li Lubnanê de bi dest xistibû.