Siyasî

Mesrûr Barzanî ligel Mîrê Şarîqe dicive

Serokwezîrê Herêma Kurdistanê Mesrûr Barzanî ji bo beşdarî Korbenda Cîhanî ya Enerjiyê li Dubey bibe, bi serdanekê li Îmarata Erebî ye

Kurdistan24 Hewlêr 2022/03/27 10:38

Kurdistan Mesrûr Barzanî Şarîqe Îmarata Erebî

Navenda Nûçeyan (K24) – Serokwezîrê Herêma Kurdistanê Mesrûr Barzanî bi serdaneke fermî li Îmaratê ye û îro ligel Mîrê Şarîqe Şêx Sultan Bin Mihemed Bin Seqir El Qasimî civiya.

Di civîna di navbera Serokwezîrê Herêma Kurdistanê û Mîrê Şarîqe de, pêşvebirina pêwendiyan hat guftûgokirin, bi taybet di warê perwerde, xwendin, kultur û piştevaniya li projeyên biçûk û sûdwergirtina ji ezmûna dewlemend Şarîqe di warê kulturî û akademî de.

Biryar e jî, Serokwezîrê Herêma Kurdistanê îro ligel hejmarek ji serkirde û berpirsên pilebilind ên Îmarata Erebî bicive.

Serokwezîrê Herêma Kurdistanê Mesrûr Barzanî ji bo beşdarî Korbenda Cîhanî ya Enerjiyê bibe ku dê rojên 28-29ê Adarê dê li bajarê Dubey birêve biçe, roja 25/3/2022an bi serdanekê gihîşt Mîrnişîna Yekgirtî ya Îmarata Erebî.

Serokwezîrê Herêma Kurdistanê Mesrûr Barzanî duhî Şemiyê 26ê Adara 2022an ligel Mîrê Res El Xeyme û Wezîrê Karûbarên Encûmena Wezîran a Îmaratê Mihemed civiyabû.