Malikî: Divê hikûmet bilez dawî li hebûna PKKê ya li Iraqê bîne

“Êrîşên Tirkiyê bûne sedema tirsandina nişteciyên Duhokê û em binpêkirinên Tirkiyê yên li ser axa Iraqê şermezar dikin.”
Serokê Hevpeymaniya Dewleta Yasa Nûrî Malikî
Serokê Hevpeymaniya Dewleta Yasa Nûrî Malikî

Hewlêr (K24) – Serokê Hevpeymaniya Dewleta Yasa Nûrî Malikî ji hikûmeta Iraqê daxwaz dike ku dawî li hebûna PKKê bîne.

Nûrî Malikî di daxuyaniyekê de diyar kir: “Li ser hikûmeta Iraqê pêwîst e bilez dawî li hebûna PKKê ya li welat bîne, da ku nişteciyên bajar û gundên wan deveran bikarin bi aramî bijîn.”

Malikî destnîşan dike: “Êrîşên Tirkiyê bûne sedema tirsandina nişteciyên Duhokê û em binpêkirinên Tirkiyê yên li ser axa Iraqê şermezar dikin.”

Herwiha dibêje: “Ji ber hebûna PKK û êrîşên artêşa Tirkiyê, Kurd û Xirîstiyan, li wan deverên ku PKK lê ye, bi tirs û xof dijîn û ji ber vê neçar dibin ku bo cihên din koç bikin.”