Li Diyarbekirê êrîşa çekdarî: 2 kuştî, 3 birîndar
Navenda Nûçeyan (K24) - Li Diyarbekirê di êrîşa çekdarî ya dijî otomobîlekê de 2 kes hatin kuştin û 3 kes birîndar bûn.
Li gor agahiyan, li navçeya navendê ya Rezanê li taxa Buyuransu li dijî otomobîlekê êrîşa bi çek hat kirin ku ajokar û plakaya wê hîn nehatiye diyarkirin.
Di êrîşê de ji heman malbatê 5 kes birîndar bûn. Li ser agahdarkirinê, tîmên tendirustiyê û herwiha tîmên cendirmeyê gihîştin cihê bûyerê .
Ji birîndarên ku bi ambulansan bo nexweşxaneyeke taybet hatin veguhestin, 2 kesan canê xwe ji dest dan.
Ji hêla hêzên ewlekariyê ve xebata desteserkirina êrîşkaran hat destpêkirin.