Malikî bo xwepêşanderan: Rûbirûyî hêzên ewlehiyê nebin

“Tika ye ji pirê derbasî navçeya Kesk nebin."
Nûrî Malikî
Nûrî Malikî

Hewlêr (K24) – Sekreterê Partiya De'waya Îslamî û serkirdeyê li Çarçoveya Hevahengiyê ya Şîeyan Nûrî Malikî di peyamekê de daxwazê ji xwepêşanderan dike, neçin navçeya Kesk.

Nûrî Malikî ji xwepêşander û alîgirên Çarçoveya Hevahengiyê tika dike, destûrê binpê nekin.

Malikî di peyama xwe de dibêje: “Ez spasiya we dikim ku bersiva bangewaziya me da û xwpêşandan encam da.”

Herwiha dibêje: “Tika ye ji pirê derbasî navçeya Kesk nebin û rûbirûyî hêzên ewlehiyê jî nebin.”

Nûrî Malikî diyar kiriye: “Hûn ji bo berevaniya Iraq, saziyên hikûmetê, destûr û sîstema hikûmraniyê, xwêpêşandan encam didin, ez spasiya we dikim, we emaneta xwe gihande cihê wê.”