Sedir peyamek arasteyî xwepêşanderên Çarçoveya Hevahengiyê kir

Rêberê Tevgera Sedir Muqteda Sedir ku xwe weke neviyê Îmam Husên bi nav dike, peyamek arasteyî xwepêşanderên Çarçoveya Hevahengiyê kir.
Rêberê Tevgera Sedir Muqteda Sedir
Rêberê Tevgera Sedir Muqteda Sedir

Hewlêr (K24) – Rêberê Tevgera Sedir Muqteda Sedir  ku xwe weke neviyê Îmam Husên bi nav dike, peyamek arasteyî xwepêşanderên Çarçoveya Hevahengiyê kir.

Muqteda Sedir di peyama xwe de diyar kiriye: “Em û Çarçoveya Hevahengiyê li ser hebûna gendeliyê û belavbûna wê li welat, cudahiya me tune ye, lê em ligel serkirdeyên wan cudahiya me heye.”

Sedir destnîşan kiriye: “Ez gelek mat dimînim ku cemawerê Çarçoveya Hevahengiyê piştevaniya me nakin ji bo rizgarkirina niştiman ji vê dîlbûna ku tê de ye ji bo dagirker û teror û gendeliyê. Loma bila xwepêşandanên we ji bo serxistina çaksaziyê be, ne ku rûmeta dewlet û ew hikûmetên ku ji bo Iraqê bêsûd bûn. Gelo hûn rûmet û azadî û asayîş û pariya jiyanê û silamet û çaksaziyê dixwazin, weke ku em daxwaz dikin.”

Herwiha dibêje: “Eger we biryar da ku xwepêşandanê bikin, di heman dema xwepêşandana çaksaziyê de, bila xwepêşandana we aştiyane be û asayîşa civakê biparêzin. Iraq ji hemû nav û nasnavên din mezintir e. Em destê dostaniyê dirêjî cemawerê Çarçoveua Hevahengiyê dikin, ne ku bo serkirdeyan, em dixwazin çaksaziyê bikin.”

Muqteda Sedir diyar kiriye: “Em li ser rêbaza Îmam Husên silavên Xwedayê mezin li ser bin, diçin. Rêbaza me rêbaza merciyê me ye.”