Firokeyeke Tirkiyê kampa Mexmûrê bombebaran kir
Navenda Nûçeyan (K24) – Kampa Mexmûrê berî bîstekê ji aliyê firokeyeke bêfirokvan a Tirkiyê hat bombebarankirin.
Jêderekî agahdar ji Mexmûrê ji K24ê re got, firokeyeke bêfirokvan a Tirkiyê taxa çar a Kampa Mexmûrê bombebaran kir û li gor zanyariyên destpêkê, hejmarek kes birîndar bûne.
Wî jêderî destnîşan kir, berî bombebaranê, dengê firokeyan li asmanê Mexmûrê hat bihîstin.
Li kampa Mexmûrê dora 12 hezar kes lê dimîne û piraniya wan alîgir û malbatên gerîlayên PKKê ne.
Berê jî gelek caran ew kamp ji aliyê firokeyên Tirkiyê hatiye bombebarankirin û ziyanên canî û madî di encamê de derketine.