Serokwezîr Mesrûr Barzanî û Wezîrê Dewletê yê Brîtanyayê pêwendiyeke telefonî encam dan

Hewlêr (K24) – Serokwezîrê Herêma Kurdistanê Mesrûr Barzanî êvara pêncşemê 29ê Îlonê, pêwendiyeke telefonî ji Wezîrê Dewletê yê Brîtanyayê bo Rojhilata Navîn û Başûrê Asya û Neteweyên Yekbûyî Lord Tariq Ehmed pêgihîşt.

Di pêwendiya telefonî de li ser êrîşên van demên dawî yên bi ser Herêma Kurdistanê de hatin kirin, gotûbêj hat kirin.

Serokwezîr Mesrûr Barzanî pêzanînên xwe ji Wezîrê Dewletê yê Brîtanyayê re gihand, ji ber tundî şermezarkirina êrîşên Komara Îslamî ya Îranê. Herdu aliyan, êrîşên Îranê weke binpêkirina eşkere ya serweriya welat bi nav kirin.

Lord Tariq Ehmed hevxemiya xwe ji bo canjidestdana welatiyên bêtawan di wan êrîşan de nîşan da û piştevaniya Brîtanyayê ji bo Herêma Kurdistanê û Iraqê bi giştî, dubare kir.

Her du aliyan li ser wê yekê hevnêrîn bûn ku di pêwendiyeke berdewam de bin.