Wezîreke Belçîkayê porê xwe jêkir
Navenda Nûçeyan (K24) – Wezîra Derve ya Belçîkayê Hadja Lahbib di rûniştina parlamentoyê de piştevaniya xwe ji bo xwepêşandanên xelkê Îranê nîşan da û beşek ji porê xwe jêkir.
Hadja Lahbib diyar kir, ew ji ber kuştina Mehsa (Jîna) Emînî xemgîn e.
Lahbib destnîşan kir, heta niha 150 xwepêşander hatine kuştin û bi sedan kes jî birîndar bûne an jî hatine desteserkirin.
Herwiha eşkere kir ku heşt welatên Yekîtiya Ewrûpayê ku ji Fransa, Almanya, Îtalya, Îspanya, Danîmark, Belçîka, Çek û Luksemburgê pêk tê, daxwaz kirine ku sizayên zêdetir bi ser rayedarên saziyên ewlehiyê yên Îranê de werin sepandin.
Wezîra Derve ya Belçîkayê Hadja Lahbib bi zimanê Fransî diaxive û bi eslê xwe ji welatê Cezayîrê ye.
Live in the Belgian parliament today! Minister Hadja Lahbib, Minister for Foreign Affairs of Belgium cutting off a lock of her hair in support of #MahsaAmini and the brave protesters in Iran.
— Darya Safai MP (@SafaiDarya) October 6, 2022
Strong statement of solidarity by Minister @hadjalahbib!
Women. Life. Freedom! ✌️ pic.twitter.com/Dr9yWK7KZI