Mesrûr Barzanî pîrozbahiyê li Rishi Sunak dike
Navenda Nûçeyan (K24) – Serokwezîrê Herêma Kurdistanê Mesrûr Barzanî ji bo hilbijartina Rishi Sunak wek Serokê Partiya Parêzgaran û serokwezîrê nû yê Brîtanyayê, pîrozbahî li wî kir.
Serokwezîrê Herêma Kurdistanê Mesrûr Barzanî îro 25ê Cotmeha 2022an li hejmara xxwe taybet a tora civakî “Twitter” peyameke pîrozbahiyê arasteyî serokwezîrê nû yê Brîtanyayê Rishi Sunak kir.
Serokwezîr di tweeta xwe de tekezî li karkirina hevbeş ligel serokwezîrê nû yê Brîtanyayê kir bo hevahengî û xurtkirina pêwendiyên dostane di navbera Herêma Kurdistanê û Brîtanyayê de.
Rishi Sunak piştî ku duhî wek Serokê Partiya Parêzgaran hat hilbijartin, îro 25ê Cotmeha 2022an ji aliyê Şahê Brîtanyayê Carlesa Sêyem ve wek serokwezîrê nû yê Brîtanyayê ve hat destnîşankirin.