Mustafa Ozçelîk: Kurdistan24 wek dengê gelê me erkê xwe yê neteweyî û niştimanî bicîh aniye

Navenda Nûçeyan (K24) – Serokê Giştî yê PAKê (Partîya Azadîya Kurdistanê) Mustafa Ozçelîk bi boneya 7 saliya damezirandina Saziya Kurdistan24ê bo Ragihand û Lêkolînan, peyameke pîrozbahiyê arasteyî Rêveberê Giştî yê Sazîya Kurdistan24ê Ehmed Zawîteyî kir.

Peyama Serokê Giştî yê PAKê (Partîya Azadîya Kurdistanê) Mustafa Ozçelîk wiha ye:

Rêzdar Ehmed Zawîteyî

Rêveberê Giştî yê Sazîya Kurdistan24ê

Kurdistan24 TVyê di meşa ragehandina Kurdistanê da, 7 salên xwe bihurand.

Di van 7 salan da, Kurdistan24 TVyê ne bes wek dengê gelê me yê Başûrê Kurdistanê, her weha wek dengê gelê me yê Bakur, Rojava û Rojhilatê Kurdistanê jî wazîfeyeke neteweyî, niştimanî bicîh anî.

Di belavkirina nûçe û zanyarîyên li Kurdistanê û cîhanê da, di amadekirina bernameyên li ser mijarên neteweyî, niştimanî da Kurdistan24 TVyê bi awayekî profesyonelî xebateke birûmet pêk anî.

Kurdistan24 TV destkeftineke hemû Kurd û Kurdistanîya ne.

Bi hêvîya, gelek salên din ên têr û tije û bi hêvîya ku ji bo her perçeyekî Kurdistanê bernameyên taybetir û berfirehtir bêne amade kirin, ez li ser navê xwe û li ser navê hemû rêvebir û endamên partîya me 7 salîya Kurdistan24 TVyê pîroz dikim, ji cenabê we û ji hemû xebatkar û kedkarên Kurdistan24 TVyê ra serkeftinê dixwazim.

Li gel rêzên xwe

Mustafa Ozçelîk

Serokê Giştî yê PAKê (Partîya Azadîya Kurdistanê)