Sekreterê Giştî yê Hareketa Azadî hat desteserkirin

Li Diyarbekirê Sekreterê Giştî yê Hereketa Îslamî ya Kurdistanê (AZADÎ) Metîn Pîranî hat desteserkirin.

Hesen Kako 2022/12/19 16:54

Kurdistan Ala Kurdistanê Hereketa Azadî Metîn Pîranî

Diyarbekir (K24) - Li Diyarbekirê hêzên asayîşê avêtin ser avahiyên partî û rêxistinên Kurdistanî. Sekreterê Giştî yê Hereketa Îslamî ya Kurdistanê (AZADÎ) Metîn Pîranî hat desteserkirin.

Hêzên asayîşê bi fermana Serdozgeriya Komarî, li Diyarbekirê avêtin ser avahiyên Partiya Sosyalîst a Kurdistanê ( PSK) Partiya Azadiya Kurdistanê (PAK) û Hereketa Îslamî ya Azadiya Kurdistanê (AZADÎ).

Sekreterê Giştî yê Hereketa Azadî Metîn Pîranî hat desteserkirin û polîsan, hemû Alayên Kurdistanê yên li van avahiyan û bi şaneşînan ve dalîqandî kom kirin û rakirin. Her dîsa polîsan dest danîn ser komputer û hin pirtûkên kurdî.

Rêveberên partî û rêxistinên kurdî bertek nîşanî helwesta dadgeh û polîsan dan û ev helwest şermezar kirin.

PAK, PSK û Azadiyê ragihandin ku dê roja sêşemê demjimêr 11.00an bi derbarê helwesta li hemberî Alaya Kurdistan û partî û rêxistinên wan de bi kongreyeke rojnamegerî bertekên xwe nîşan bidin.