Mesrûr Barzanî ligel Serokê Parlamentoya Urdinê civiya
Hewlêr (K24) – Serokwezîrê Herêma Kurdistanê Mesrûr Barzanî di serdana xwe ya Bexdayê de ligel Serokê Parlamentoya Urdinê, pêwendiyên navbera Herêma Kurdistanê û Urdinê gotûbêj kirin.
Îro Çarşemê 11ê Çileya 2023an, Serokwezîr Mesrûr Barzanî li Bexdayê ligel şandeke bilind a Parlamentoya Urdinê bi serokatiya Serokê Parlamentoya Urdinê Ehmed Sefedî civiya.
Di civînê de pêşvebirina pêwendiyên Urdin û Herêma Kurdistanê hat gotûbêjkirin.
Ji aliyê xwe ve, Serokê Parlamentoya Urdinê silav û rêzên Şahê Urdinê Şah Ebdullah ji Serokwezîrê Herêma Kurdistanê re gihand û daxwaza welatê xwe ji bo pêşvebirina pêwendiyên ligel Herêma Kurdistanê dubare kiriye.
Herwiha Serokwezîr Mesrûr Barzanî amaje bi pêwendiya dîrokî û dostanî ya navbera Herêma Kurdistanê û Urdinê kir û amadebûna Herêma Kurdistanê ji bo bihêzkirina pêwendiyên ligel Urdinê di hemû waran de, nîşan da.
