Amerîka tekezî li yekrêziya Kurd dike
Hewlêr (K24) – Konsulxaneya Giştî ya Amerîkayê ya li Hewlêrê, bi rêya Twitterê tekezî li yekrêziya Kurd dike.
Îro Çarşemê 18ê Çileya 2023an, Konsulxaneya Giştî ya Amerîkayê ya li Hewlêrê twîtek belav kir û ragihand: “Rêkxerê Koşka Spî bo Karûbarên Asayîşa Rojhilata Navîn û Bakurê Efrîqayê Brett McGurk di civînan de ligel her yek ji Serok Barzanî, Serokê Herêma Kurdistanê Nêçîrvan Barzanî û berpirsên YNKê, tekezî li ser girîngiya yekrêziya Kurd kiriye, ji bo pêşvebirina berjewendiyên hevbeş û xweşguzeraniya Herêma Kurdistanê û gelê Iraqê.”
Di çend rojên borî de Rêkxerê Koşka Spî bo Karûbarên Asayîşa Rojhilata Navîn û Bakurê Efrîqayê Brett McGurk gihîşte Hewlêrê û ligel Serok Barzanî, Serokê Herêma Kurdistanê Nêçîrvan Barzanî û berpirsên Yekîtiya Niştimanî ya Kurdistanê (YNK) civiya.
In high level engagements, w/ @IKRPresident, @masoud_barzani, @qubadjt, @Bafeltalabani, White House Coordinator @brett_mcgurk & SPE @amoshochstein stressed the importance of Kurdish unity to advance shared interests & for the prosperity of the IKR & all of Iraq. pic.twitter.com/dMypSTVWUV
— U.S. Consulate General Erbil (@USCGERBIL) January 18, 2023