Erebistana Siûdî: Rûsya ji bo me hevbeşeke girîng e

Ala Erebistana Siûdî
Ala Erebistana Siûdî

Navenda Nûçeyan (K24) – Wezîrê Derve yê Erebistana Siûdî Feysel Bin Ferhan ragihand, welatê wî hevahengiya ligel Rûsyayê di warên cuda cuda de didomîne û Moskow jî wek hevbeşeke girîng a Riyadê bi nav kir.

Feysel Bin Ferhan di beşdariya Korbenda Aborî ya Cîhanî ya Davosê de di gotareke xwe de rahihand, Rûsya û Erebistana Siûdî wek du hinardekarên mezin ên petrolê, di hevahengiyê de berdewam in û helwesta herdu welatan, arasteya bazara petrolê diyar dike.

WezîrêDerve yê Erebistana Siûdî destnîşan kir, piştî şerê Ukraynayê, bihayê enerjiyê gelek bilind bûye, lê belê welatê wî kariye bi hevkariya ligel Rûsyayê bihayê enerjiyê bi awayekî rêjeyî, cîgir bikin.