Hevpeymaniya Navdewletî daxwazekê ji PDK û YNKê dike
Hewlêr (K24) – Hevpeymaniya Navdewletî ya li dijî DAIŞê, ji Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) daxwaz dike, li ser mijara çaksaziya Wezareta Pêşmerge, di hevahengiyê de bin.
Hevpeymaniya Navdewletî ya li dijî DAIŞê li ser hesabê xwe yê Twitterê , ji Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) daxwaz dike, bi hev re alîkarên hev bibin û yadaştnameya hevtêgihiştinê ya navbera Amerîka û Wezareta Pêşmerge yê Hikûmeta Herêma Kurdistanê cîbicî bikin.
Herwiha hatiye destnîşankirin ku Hevpeymaniya Navdewletî şanaziyê bi wê yekê dike ku hevbeşê Pêşmerge ye û pabend in bi berdewamiya şêwir û hevkariyên xwe yên ji bo hêzên Pêşmergeyê Kurdistanê ji bo jinavbirina DAIŞê.
Konsulxaneya Giştî ya Amerîkayê ya li Hewlêrê jî li ser hesabê xwe yê Twitterê diyar kir, derbarê çaksaziya Pêşmerge de ew pêşwaziyê li hevahengî û nêzîkbûna Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) dikin.
Herwiha hat destnîşankirin ku yekbûna Herêma Kurdistanê dê bibe sedema parastina asayîş û seqamgîriya Iraq û navçeyê bi giştî.
We commend @Kurdistan for coming together to support #Peshmerga reform & implementation of the Memo of Understanding between the U.S. and @KRG_MOPA. The #Coalition is a proud partner of the Peshmerga & is committed to #AdviseAssistEnable our partners in our focus to #defeatISIS.
— Operation Inherent Resolve (@CJTFOIR) February 7, 2023
We welcome #PUK and #KDP coming together to support the next step towards Peshmerga reform and implementation of the MOU. United, the #Iraqi_Kurdistan_Region can promote security, stability, & prosperity in Iraq & beyond. The United States is a committed partner in this effort. https://t.co/PMZyJqrMci
— U.S. Consulate General Erbil (@USCGERBIL) February 7, 2023