Serok Barzanî pêşwazî li Balyozê Japonê yê li Iraqê kir
Hewlêr (K24) - Serok Mesûd Barzanî îro sêşemê 14ê Sibata 2023an li Selaheddîn pêşwaziya Balyozê nû yê Japonê yê li Iraqê Futoshi Matsumoto kir.
Di hevdîtinê de rewşa siyasî ya navçeyê û peywendiyên di navbera Hewlêr û Bexda û gefên terorê hatin guftûgokirin.
Balyozê Japonê yê li Iraqê pêzanînên xwe ji bo xebat û qurbanîdana gelê Kurdistanê ya ji bo gihîştina bi azadiyê hebû û ev jî ragihand, welatê wan xwazyarê wê yekê ye ku li Iraq û Herêma Kurdistanê geşbûn û aramî hebe.
Herwiha daxwaz jî kir peywendiyên di navbera Japon û Iraq û Herêma Kurdistanê bê pêşxistin û bi kurtî jî di derbarê projeyên aborî û bingehîniyên Japon li Iraq û Herêma Kurdistanê xisterû.
Di beşeke din a vê hevdîtinê de Serok Barzanî spasî hevkariyên Japonê yên ji bo Iraq û Herêma Kurdistanê kir û di erk û karên wî de hêviya serkeftinê ji bo Balyozê Japonê xwest.
