Futbolîstê Kurd rikaberiya Ronaldo dike
Hewlêr (K24) – Federasyona Futbolê ya Asyayê (AFC) li ser malpera xwe ya fermî rapirsiyek ji bo destnîşankirina baştirîn futbolîstê meha du yê rojavayê Asyayê belav kir û tê de navê Futbolîstê Kurd Aso Rustem û Cristiano Ronaldo li teniştê hev hatine.
Federasyona Futbolê ya Asyayê (AFC) ragihandiye, futbolîstên ku namzed kirine ji bo xelata futbolîstê herî baş ê meha du ya îsal, baştirên rojavayê Asyayê ne.
Navên futbolîstê Tîma Şurte ya Iraqî Aso Rustem, futbolîstê Tîma Nesir a Siûdî Cristiano Ronaldo, futbolîstê Tîma Hîlal a Siûdî Odion Ighalo, futbolîstê Tîma Erebî ya Qeterê Umer Some, futbolîstê Tîma Mename ya Behreynê Mehdî Ebdulcebar namzed bûne.