AFAD: Heta niha nêzîkî 17 hezar paşlerze çêbûn
Navenda Nûçeyan (K24) – Serokatiya Rêvebirina Rewşa Bilez û Karesatan a Tirkiyê (AFAD) ragihand, piştî erdhejên 6ê Sibatê ku navenda wê parêzgeha Mereşê bû, heta niha nêzîkî 17 hezar paşlerze qewimîne.
AFADê li ser hesabê xwe yê Twitterê ragihand, piştî erdhejên 6ê Sibata 2023an ên li navçeyên Pazarcik û Elbîstanê, heta îro 13ê Adarê, nêzîkî 17 hezar erdhej rûdane.
Di daxuyaniyê de hat eşkerekirin: “Erdhejên li herêmê, ji aliyê Serokatiya AFADê ve, 7 roj 24 demjimêr tê şopandin.”
Roja 6ê Sibata 2023an, li navçeyên Pazarcik û Elbîstanê yên ser bi parêzgeha Mereşê ya Bakurê Kurdistanê, bi hêza 7.7 û 7.6 pile, du erdhejên mezin rûdan û li gor amarên fermî, zêdetirî 48 hezar kesan canê xwe ji dest dan.
#KahramanmaraşDepremleri
— AFAD Deprem (@DepremDairesi) March 13, 2023
📌 06 Şubat 2023 Pazarcık ve Elbistan depremlerinden sonra 13 Mart'a kadar geçen sürede 1⃣7⃣.0⃣0⃣0⃣'e yakın deprem meydana gelmiştir.
📌 Bölgedeki deprem aktivitesi AFAD Başkanlığı tarafından 7 gün/24 saat takip edilmeye devam edilmektedir. pic.twitter.com/ryMsCAlAmi