Wezîrê Berevanî yê Îtalyayê gihîşte Hewlêrê

Wezîrê Berevanî yê Îtalyayê Guido Crosetto bi rêya Firokexaneya Navdewletî ya Hewlêrê gihîşte Herêma Kurdistanê.

Hewlêr (K24) – Wezîrê Berevanî yê Îtalyayê Guido Crosetto bi rêya Firokexaneya Navdewletî ya Hewlêrê gihîşte Herêma Kurdistanê û ji aliyê Wezîrê Navxwe yê Herêma Kurdistanê Rêber Ehmed ve hat pêşwazîkirin.

Îro Sêşemê 2ê Gulana 2023an, Wezîrê Berevanî yê Îtalyayê Guido Crosetto bi serdaneke fermî gihîşte Herêma Kurdistanê û wisa biryar e ligel rayedarên payebilind ên Herêma Kurdistanê bicive.

Biryar e, Wezîrê Berevanî yê Îtalyayê Guido Crosetto di serdana xwe de bo Herêma Kurdistanê ligel Serokê Herêma Kurdistanê û Serokwezîrê Herêma Kurdistanê bicive û serbaz û şêwirmendên artêşa welatê xwe bibîne.

Îtalya yek ji wan welatên endamên Hevpeymaniya Navdewletî ya dijî DAIŞê ye û hejmarek ji şêwirmendên wan yên serbazî li Herêma Kurdistanê û Iraqê rahênan bi Pêşmerge û serbazên Iraqê didin.