Ukrayna: Me şeva borî 13 mûşekên Rûsyayê xistin xwarê

Navenda Nûçeyan (K24) – Hêzên Asmanî yên Ukraynayê ragihand, şeva borî 13 mûşekên Rûsyayê têk birine.

Di daxuyaniyekê de, Hêzên Asmanî yên Ukraynayê eşkere kiriye, şeva borî artêşa Rûsyayê êrîşeke berfireh kiriye ser baregeheke hêzên asmanî yên Ukraynayê li rojhilatê wî welatî.

Herwiha diyar kir ku di dirêjahiya şeva borî de karîne 13 mûşekên cûreya kirûz yên Rûsyayê têk bibin.

Hêzên Asmanî yên Ukraynayê destnîşan kiriye ku Rûsya ji binkeyên xwe yên Deryaya Qezwînê ve mûşekên xwe arasteyî axa Ukraynayê kirine.

Herwiha eşkere kir ku tevî têkbirina mûşekan, çar dronên Rûsyayê li Donetskê hatine têkbirin.