Serokê Herêma Kurdistanê bi Serokê Ermenistanê re dicive

Nêçîrvan Barzanî û Vahagn Khachaturyan
Nêçîrvan Barzanî û Vahagn Khachaturyan

Navenda Nûçeyan (K24) - Serokê Herêma Kurdistanê pêşwaziya Serokkomarê Ermenistanê dike û bi hev re behsa derfetên pêşxistina peywendiyên Ereminstanê bi Îraq û Herêma Kurdistanê re di warên bazirganî, weberhênan, kertê taybet, pizişkî û geştyariyê de dikin.

Serokatiya Herêma Kurdistanê di ragehandinekê de amaje daye, “Nîvroya îro (Pêncşem, 29.02.2024) Serokê Herêma Kurdistanê Nêzçîrvan Barzanî li Hewlêrê bi Serokê Ermenistanê Vahagn Khachaturyan re civiya”.

Di wê civînê de ku Cîgirên Serokê Herêma Kurdistanê û wezîrên peywendîdar ên Hikûmeta Herêma Kurdistanê amade bûbûn, danûstandin li ser peywendiyên Ereminstanê bi Îraq û Herêma Kurdistanê re û taybet di warê aborî de hatin kirin, her du aliyan dîtin û nerînên xwe li ser rewşa Îraq û Herêma Kurdistanê û rewşa pêkhatan li hev guhertin.

Her du aliyan behsa derfetên pêşxistina peywendiyên Ereminstanê bi Îraq û Herêma Kurdistanê re di warên bazirganî, weberhênan, kertê taybet, pizişkî û geştyariyê de kirin, herwesa bal kêşa ser derfetên geştên rasterast ên asmsanî yên navbera Ermenistan û Îraqê bi Herêma Kurdistanê ve.

Li dû ragehandina Serokatiya Herêma Kurdistanê, dawî pêşhatên rewşa deverê bi rengekî giştî mijara tewerekî din ê wê civînê bûn.

Serokê Ermenistanê Duşema borî, 26.02.2024, bi serdaneke fermî gehişt Bexdayê û bi berpirsên bilind ên Îraqê re civiya, sibeha îro jî (Pêncşem, 29.02.2024) gehişt Hewlêrê û ji aliyê Serokê Herêma Kurdistanê Nêçîrvan Barzanî ve pêşwazî lê hat kirin.