Serokê Herêma Kurdistanê û Serokê Parlamentoya Îranê pêşxistina peywendiyan gotûbêj kirin

Navenda Nûçeyan (K24) – Serokê Herêma Kurdistanê Nêçîrvan Barzanî û şanda pê re îro 7ê Gulanê li Tehranê bi Serokê Encûmena Îslamî ya Îranê Mihemed Baqir Qalîbaf re civiya.

Li gorî Serokatiya Herêma Kurdistanê, her du alî li ser giringiya hebûna peywendiyên baş di navbera Iraq û Herêma Kurdistanê bi Komara Îslamî ya Îranê re li ser bingeha cîrantiya baş û berjewendiyên hevpar tekez kirin. Di vê derbarê de, derfet û çawaniya pêşxistina hemû warên peywendiyan û hevkariya hevbeş di navbera her du aliyan de hatin gotûbêjkirin.

Her du alî hevbîr bûn ku di warên hevkariyên bazirganî, aborî, veberhênan, çandinî, geştiyar, çand, perwerde, zanîngeh û gelek warên din de, derfeta hevkariya hevbeş ya Komara Îslamî ya Îranê bi Iraq û Herêma Kurdistanê re heye. Ji bo vê yekê jî girîng e aliyên pêwendîdar ên her du aliyan zêdetir li ser wan kar bikin.

Di hevdîtinê de rewşa giştî ya Iraq û Herêma Kurdistanê û peywendiyên Hewlêr û Bexdayê jî hatin gotûbêjkirin.