Berev Cejnê rewşa bazara Kurd
K24-Istanbul
Bi mebesta kirînên bo Cejna Remezanê sûk û bazar geş dibin lê li bazarekê li bajarê Stenbolê ku wek bazara Kurdan jî tê zanîn xelk ji ber zêdebûna bihayan gilîdar in dikandar jî ji kêmbûna firotinan gazindê dikin. Li gor dikandarên Kurd kar û barên wan îsal wek salên berê baş nîn e û firotina berheman bi qasî %50 kêm bûye.
Ev der li Stenbolê bazarek e lê bele mirov li vê bazarê xwe li bazareke ji şehre Kurdistanê hîs dike. Çimkî giştiyê esnaf û niştecîhên vêderê jî Kurd in û berhemên tên firotin jî ji bajarên bakurê Kurdistanê tên şandin.
Xelkê ku bo cejna Remezanê berê xwe dane vê bazarê hin tiştan bikirin lê gilî û gazinda wan ew e ku zêdebûna bihayên xurekan.
Fatma Gorgur-hevwelatî, got: Krîzeke hey eli ser ekonomiye loma her tişt giran e. Penêra ku par min bi 30 lîreyê dikirî îsal ji 30 lîreyê derbas bûye.
Servet Torun-hemwelatî, got: Bêguma li gor par di bihayana de ferqeke mezin heye. Bihayên hin berheman îsal heta ji%80 zêde bûye. Loma xelk wek berê nikare bi dile xwe her tiştî bikire.
Li gor hin sazî û dezgehên aborî jî îsal li gor par bihayên berheman zêdetir bûye ku ev tesîrek neabş dide ser kar û barên esnafan jî.
Dikandarek dibêje: Halê esnafan ne baş e. Milet ji ber bihayan giliyê dike loma karê esanafan jî nebaş e.
Li gorî gotina esnafan ji ber zêdebûna bihayan karê wan ne wek salên bere ye û firotina berheman li gor par heta nîvî daketiye.