Li Heseke pêşangehek bo cil û bergên folklorî hate lidarxistin

K24- Heseke

Li bajarê Hesekê yê Rojavayê Kurdistanê , pêşangehek bo cil û bergên folklorî hate lidarxistin.

Kesên beşdar, ku ji hemu pêkhateyên deverê bûn, kêfxweşiya xwe bi pêşangehê diyar dikin û behsa giringiya pêşangehên bi vî rengî dikin .

Komîteya çand û huner di kantona Hesekê de yekemîn pêşingeha filklorî ku cil û bergên hemu pêkhateyên Rojavayê Kurdistanê ji kurd, ereb,ermen, siryan û aşûrî lida xist.

Endamên komîteya amadekar didin zanîn ku ew dixwazin di riya vê peşingehê re jiyana hevbeş bi hêztir bikin .

Xelk ji hemu navçe û bajarên gundewarê Hesekê beşdarî pêşingehê bûn û piraniya xwe ciwan bûn.

Ciwanên beşdar dibêjin çalakiyên bi vî rengî girêdana pêkhateyan bi hêztir dike û çanda pêkhateyan jî diparêze.

Bi silogana 'çand dengê ji mêjde ye û vedenga nûjeniye ye'  yekemîn Pêşingeha filklorî ya cil û bergan li bajarê Hesekê hate lidar xistin.

Pêşingeha navbûrî li ser dirêjahiya 3 rojan dom kir û di nêv de gelek simînar li ser çanda her pêkhateyekê deverê hate dayîn.