Karwanên leşkerî yên Tirkiyê gihîştin ser sînorê Girêspî û Kobanê

K24- Hewlêr

Tirkiye veguhestina hêzên xwe ber bi sînorê Rojavayê Kurdistanê didomîn e. Îro jî, karwanên leşkerî yên Tirkiyê gihîştin ser sînorê Girêspî û Kobanê.

Hêz û alavên leşkerî, ku ji deverên cuda yên Tirkiyê hatibûn şandin, gihîştin navçeya Kirikxan a Hatayê. Li gor agahiyan, karwana leşkerî, ku ji otombêlên zirîpoş, sîgnalbir û hin alavên din pêk dihat, piştî demekê ber bi Rihayê hatin veguhestin.

Tirkiye hêzên xwe liser sînorê Girêspî, Kobanê û Serêkaniyê kom dike. Serokomarê Tirkiyê Receb Tayîb Erdogan jî, dabû xuyakirin, di derbarê Minbic û Girêspî de planên wan hene û xebatek cuda dikin. Duhî jî hatibû îdîakirin, Tirkiye dîwarê ser sînorê Girêspî rakiriye û amadekariya operasyonekê tê kirin.